PAYAO, Zamboanga Sibugay – Malampusong gipahigayon ang usa ka Public Hearing karong adlawa Marso 27, 2026 sa Municipal Gymnasium, nga naghisgot sa duha ka mahinungdanong panukalang ordinansa: ang 2026 Revised/Updated Revenue Code ug ang pag-amendar sa Integrated Zoning Regulations sa lungsod. Ang maong kalihokan gipangulohan ni Municipal Vice Mayor Joeper Mendoza ug gitambongan sa mga miyembro sa Sangguniang Bayan, mga department heads, ug mga representante/constituents gikan sa business sector.

Ang kahinungdanon sa partisipasyon sa publiko sa paghimo og mga polisiya nga motubag sa panginahanglan sa komunidad. Gihatagan og higayon ang mga stakeholders sa pagpahayag sa ilang mga opinyon, suhestiyon, ug kabalaka bahin sa mga panukala.

Ang mga maong ordinansa nagtumong sa pagpalig-on sa lokal nga kita sa lungsod ug pagsiguro sa husto nga paggamit sa yuta, subay sa kalambuan nga tumong sa Payao.

Nagpasalamat ang mga lokal nga opisyal sa aktibong partisipasyon sa mga stakeholders, ug gipasiugda ang kahinungdanon sa inklusibong pagdumala alang sa padayon nga kalamboan sa lungsod.
Padayon ang paningkamot sa lokal nga panggamhanan sa pagpalambo sa mga polisiya nga makabenepisyo sa tanang katawhan, uban sa lig-on nga panaghiusa ug kooperasyon sa komunidad alang sa mas maayong ug mauswagon nga Payao.